பேராசிரியர் பாண்டியராஜா அவர்களுக்கு சங்கச்செம்மல் விருது 

சங்கத் தமிழ்ப் பாடல்களை எளிய முறையில் மக்களிடம் கொண்டு சேர்ப்பிப்பதைத் தனது வாழ்நாள் கடமையாகக் கொண்டு பேராசிரியர் முனைவர் ப. பாண்டியராஜா அவர்கள் அயராது உழைத்து சங்கத் தமிழ்ப் பாடல்களுக்குத் தொடரடைவுகளையும், அருஞ்சொற் களஞ்சியத்தையும், கட்டுரைகளையும், நூல்களையும் உருவாக்கி தமிழ் மக்களுக்கும் ஆய்வாளர்களுக்கும் உதவும் வகையில்  வழங்கியுள்ளார்.
தமிழ் மரபு அறக்கட்டளை பன்னாட்டு அமைப்பு பேராசிரியர் பாண்டியராஜா அவர்களது சங்கத்தமிழ்ப் படைப்புகளை இணையம் வழி பாதுகாக்கும் ஒரு திட்டமாக “சங்கம்பீடியா” தளத்தை உருவாக்கியுள்ளதோடு தமிழுக்குப் பெரும் பங்காற்றி இருக்கும் பேராசிரியர் முனைவர் ப. பாண்டியராஜா அவர்களுக்கு  ஜனவரி 22, 2024 அன்று நடைபெற்ற பாராட்டு விழாவில்  “சங்கச்செம்மல்” விருது வழங்கி மதிப்பு செய்ததில் பெருமிதம் அடைகிறோம்.
தமிழ் மரபு அறக்கட்டளை பன்னாட்டு  அமைப்பு  குழுவினர் 

முப்பெரும் விழா
நாள்/தேதி: திங்கட்கிழமை, 22.1.2024
நேரம்: மாலை 5:30
இடம் : அண்ணா நூற்றாண்டு நூலகம்,
புத்தகத் திறனாய்வு அரங்கம்
~~~~~~~

1. சங்கம்பீடியா வலைப்பக்கம் வெளியிடு
2. 3 சங்கத் தமிழன் நூல்கள் வெளியீடு

• பத்துப்பாட்டில் சொல்லோவியங்கள் 1
• பத்துப்பாட்டில் சொல்லோவியங்கள் 2
• நக்கீரர் நடைப்பயணம்

3. பேராசிரியர் பாண்டியராஜா அவர்களுக்குச் சங்கச்செம்மல் விருது வழங்குதல்.

சங்கத்தமிழை எல்லோருக்கும் கொண்டு சேர்க்கும் தன் முயற்சியை இரவு பகலாக உழைத்து தமிழ்ச் சமூகத்துக்கு வழங்கிய பேராசிரியர் பாண்டியராஜா அவர்களுக்குத் தமிழ் மரபு அறக்கட்டளை பன்னாட்டு அமைப்பு “சங்கச்செம்மல்” விருது வழங்கி சிறப்பித்தோம்.
இந்தச் சிறப்பு வாய்ந்த விருதினை தமிழ்நாடு அரசின் தமிழ் வளர்ச்சித்துறை மற்றும் செய்தித்துறை அமைச்சர் மு.பெ. சாமிநாதன் அவர்கள் வழங்க அவரோடு நாடாளுமன்ற உறுப்பினர் எம் எம் அப்துல்லா அவர்கள் நூல்களை வெளியிட்டு சிறப்புரை வழங்க அவர்களோடு தமிழ் வளர்ச்சித் துறை இயக்குநர் ஔவை அருள் அவர்கள் வாழ்த்துரை வழங்க..
நேற்றைய நிகழ்ச்சி மனநிறைவளிக்கும் ஒரு நிகழ்ச்சியாக அமைந்தது.

நிகழ்ச்சியின் காணொளிகள்

சில புகைப்படங்கள்